Əfsanəvi futbolçu dünyasını dəyişdi

İtaliya millisinin və “Yuventus”un veteran futbolçusu Paolo Rossi vəfat edib.
Bu barədə İtaliya mətbuatı məlumat yayıb.
Bildirilir ki, keçmiş hücumçu 64 yaşında dünyasını dəyişib.
Onun ölümünə ağciyər xərçəngi səbəb olub.
Qeyd edək ki, Paolo Rossi 1982-ci ildə İtaliya yığması ilə dünya çempionu olub. Mundialın ən yaxşı oyunçusu seçilən forvard həmin il "Qızıl Top" mükafatını da qazanıb.