Bu baradə Nazarbayevin qızı Aliyə öz Facebook səhifəsində yazıb:
“Ölkəmizdə baş verən faciəli hadisələri ürək ağrısı ilə yaşayıram. Ölənlərə və yaralananlara görə ağrı və təəssüf hissini ifadə etməyə söz yoxdur. Bütün qurbanların ailələrinə dərin hüznlə başsağlığı verirəm”.
O, eyni zamanda “bu ağır dərsin tariximizdə sonuncu olacağına” ümid etdiyini bildirib.
Aliyə daha sonra qeyd edib:
“Sizdən aldığım dəstəyə görə də təşəkkür edirəm. Hazırda atama mənəvi dəstəyinizə görə sizə təşəkkür edirəm, o bu günlərdə müxtəlif regionların sakinlərindən çoxlu mesajlar alır” - Nazarbayeva deyib.
Qazaxıstanın eks-prezidentinin kiçik qızının 41 yaşı var, o, biznes, ictimai fəaliyyət, xeyriyyəçilik və kino istehsalı ilə məşğuldur. 2017-ci ilin noyabr ayından ölkədə yaradılmış Ekologiya Təşkilatları Assosiasiyasının rəhbəridir.