Astaranın 14 kəndinin elektrik enerji təchizatı yaxşılaşdırılıb

“Azərişıq” ASC istehlakçıların fasiləsiz, dayanıqlı, keyfiyyətli elektrik enerjisi ilə təmin olunması məqsədilə ölkəmizin digər bölgələrində olduğu kimi Cənub Regional Enerji Təchizatı və Satışı İdarəsinin xidməti ərazisində də geniş quruculuq işlərini davam etdirir.
Bu barədə qurumun açıqlamasında bildirilir. 
Məlumatda həmçinin deyilir ki, Astara Elektrik Şəbəkəsinin ərazisində ümumi uzunluğu 13 km olan 10 kV–luq xətt çəkilib. Bu isə ümumilikdə 14 kənddə (Hamoşam Kənd İcra nümayəndəliyinin Klımbi, Hajuvi, Hamuşam, Qədəband, Toradi, Kavüəkər və Rıqulbə kəndləri, Əsxənəkəran Kənd İcra Nümayəndəliyinin Əsxənəkəran, Əzərüd, Rüədılə, Şexonpeştə, Motlayataq, Overud, Vıləpərqu kəndləri) 5 minə qədər sakinin elektrik enerji təchizatının yaxşılaşdırılması deməkdir. Təchizatın  yaxşılaşdırılması bu istiqamətdə böyük  həcmdə itkilərin də qarşısını almış olacaq. 
Hər il müşahidə edilən sel, güclü qar və  külək 50 ildən çoxdur ki,  istismar olunan 10 kV-luq bu xətdə tez-tez  qəzaların baş verməsinə səbəb olurdu. Məhz təbiət hadisələri səbəbindən dayaqlar dəfələrlə yıxılıb və onların  yerinə  müvəqqəti dayaqlar basdırılıb. Həmçinin qabaritlər pozulub, naqil keyfiyyətini itirib, nəticədə əhali və digər abonentlər saatlarla  işıqsız qalıb. Bundan sonra Astaranın ən ucqar 14 dağ kəndi daha kefiyyətli və dayanıqlı elektrik enerjisi ilə təmin olunacaq. 

ONN TV

image_printÇap Et
ONN-agentlik.png ONN-agentlik.png ONN-agentlik.png ONN-agentlik.png ONN-agentlik.png ONN-agentlik.png ONN-agentlik.png ONN-agentlik.png