İsmayıllı və Hacıqabul rayonlarının sakinlərində silah aşkarlanaraq götürülüb.
Daxili İşlər Nazirliyinin mətbuat xidmətindən  bildirilib ki, İsmayıllı Rayon Polis Şöbəsi əməkdaşlarının daxil olan məlumat əsasında keçirdikləri əməliyyat-axtarış tədbiri nəticəsində Çəmənli kənd sakini T.Haşımovdan müvafiq sənədləri olmayan İJ-16 markalı ov tüfəngi aşkarlanaraq götürülüb.
Bundan başqa, Hacıqabul Rayon Polis Şöbəsi əməkdaşlarının daxil olan məlumat əsasında keçirdikləri əməliyyat-axtarış tədbiri nəticəsində Şorbaçı kənd sakini S.Cəfərovdan müvafiq sənədləri olmayan TOZ-16 markalı ov tüfəngi aşkarlanaraq götürülüb.
Hər iki faktla bağlı araşdırma aparılır.